#034 Op 12 Mei 2011 wil Lalie Crouwkamp (née Winterbach) weet wat die betekenis van die Winterbach-familiewapen is. Sy het ook die vorm op die kontak-blad ingevul met haar inligting wat my in staat gestel het om die databasis op te dateer.

Ek het toe navorsing gaan doen en op díe bladsy afgekom. My eie verklarings van die simbole op die Winterbach-familiewapen het ek toe op die Herkoms-bladsy geplaas.
Baie dankie vir jou belangstelling en inligting, Lalie!
– Tobie

As iemand meer inligting kan stuur, kliek asb. hier

#033 Johann Groenewald, 13 Mei 2011:

Mnr. Tobie Winterbach
My suster Erna Faber (sien volgende brief) het u vonkpos aan my deurgestuur. Ek is Johann Winterbach Groenewald en vernoem na my oupa Johann Hendrik Winterbach van die plaas Opsoek. My ma was Aletta Louisa Winterbach.
Ek het net soos my oupa ook net dogters. Vier om presies te wees. Lumarí, Talita-Lize, Lorainne en Jonè. Ek is getroud met Isabella Petronella (Conradie) van Ceres.
’n Jarelange vriend van my, Archibald Winterbach van Beaufort Wes, is departementshoof te Durbanville Laerskool. Ek dink sy pa was ’n neef van my oupa Johann.
Ek het ’n oom Kritzinger en sy vrou by die SAOU-hoofdekongres in PE ontmoet. Die tannie is ’n niggie van my ma en het ook op Jakkalsfontein gewoon. Sy was ook ’n nooi Winterbach en lyk nes my ma met net sulke mooi blou oë. Sy en haar man het reeds afgetree en is skynbaar heelwat jonger as my ma-hulle.
Sterkte met jou navorsing in die stamboom van die Winterbachs. Ek gesels graag met familie.

Groete
Johann

Baie dankie vir die inligting, Johann. Ek wonder of Archibald Winterbach dieselfde een is as wat ek het as ind01274, seun van Pieter Francois Hugo Winterbach (ind01218) en broer van Pieter wat op Ashton bly (ind01269)?
– Tobie

As iemand meer inligting kan stuur, kliek asb. hier

#032 Erna Faber skryf op 23 April 2011 die volgende:

Beste Tobie,
Ek is ’n kleindogter van Johann Hendrik Winterbach. Oorspronklik van die plaas “Opsoek” distrik Laingsburg.
My ouma was ’n nooi Burger van Prins Albert
My moeder was Aletta Louisa (Lettie) en my vader Servaas Hendrik Groenewald.
Ek kan dalk help met ’n paar foto’s. My ma se jongste suster Johanna het ’n foto van Oupa Johann en sy broer Hennie, asook een van groot oupa Ben Winterbach. Ek het dit vir Hannetjie gegee na my ma se dood. Ek sien sy word nie op jou stamboom gewys nie. Sy was ’n laatlam.
My Tante Ella lewe nog (Strand) Hannetjie in Kuilsrivier. My broer Johann Winterbach Groenewald is skoolhoof by Brackenfell Laerskool en woon in Durbanville. Omdat daar geen seuns was nie loop Oupa Johann se sand uit.

Baie groete en dankie vir die wonderlike werk!
Jy laat my tjank!
Erna Faber (Groenewald)

Erna het ook die vorm op die webblad ingevul met die nodige inligting wat ek kon gebruik om die databasis te kon opdateer. Op 12 Mei 2011 het sy ook 3 fotos gestuur, o.a. een van die opstal op die plaas Opsoek in Laingsburg se distrik. Haar oupa was Johann Hendrik Winterbach (ind00217) wie se inligting hier verskyn.

As iemand meer inligting kan stuur, kliek asb. hier

#031 Ilze Krapohl skryf op 22 Maart 2011:

Hallo Mnr Winterbach
Ek sien op jou webwerf ek kan een van jou ongekoppelde persone vir jou koppel.
Hoop jy kan die inligting gebruik.
Groete
Ilze Krapohl (mede-genealoog)

Sy gaan dan voort om inligting oor Johannes Abraham Winterbach en Susanna Johanna Conradie se kinders en kleinkinders te gee en hoe hulle in die hoofstamboom inpas. Ek kon die stamboom aanpas en die databasis uitbrei, waarvoor ek baie dankbaar is.

As iemand meer inligting kan stuur, kliek asb. hier

#030 Johan van der Merwe skryf op 26 Feb 2011:

Tobie
Ek is besig met my van der Merwe voorgeslag en in ons familie bybel is die volgende inligting wat ek nie duidelik in jou data sien nie.

My grootouma is Dorertia (Ek sien daar is verskillende spellings hiervan) Elizabeth gebore 5 Mrt 1891 en oorlede 19 Aug 1967 (in Ceres). Op 22 Apr 1912 trou sy met Jacobus Nel van der Merwe.

Groete
Johan van der Merwe

Dankie vir die inligting, Johan.
Ek sien ek het een Dorothea Elizabeth (stamboom=ind01200) wat in 1891 in Ceres gebore is, wie se vader Hendrik Winterbach (stamboom=ind01193) was en haar moeder ’n Hugo was (dit kan jy maklik sien as jy na die databasis in my webblad gaan en op die regte Dorothea kliek). Kan jy dalk bevestig of sy ook „jou” Dorothea is?
– Tobie

2 Maart 2011:
Tobie
Dankie vir die terugvoer, ek het net na die diagram gekyk en nie na die lys van name nie. Ek is redelik seker dat hierdie dieselfde person is. Haar geboorte en sterfte datums kom uit ons familie bybel so ek glo dat dit akkuraat is indien jy dit wil aanlas by jou inligting.

Groete
Johan van der Merwe

As iemand meer inligting kan stuur, kliek asb. hier

#028 (10 Dec 2010)

JOHANNES ABRAHAM WINTERBACH gebore 22-08-1896 TULBAGH gedoop 30-11-1896 KRUISVALLEI, TULBAGH (seun van Johannes Abraham WINTERBACH en Susanna Johanna CONRADIE)

Ek kan nie WINTERBACH EN CONRADIE op jou webwerf oopmaak nie. Ek is opsoek na hulle datums en ouers. Kan jy my miskien help?

Vriendelike groete
ELMA HUMAN

As iemand meer inligting kan stuur, kliek asb. hier

#024 Dirk Conradie het op 18 Oktober 2010 die volgende inligting gestuur:

My ma was ’n nooi Winterbach. Cornelia Margaretha (Corrie) Gebore 5 Oktober 1920 (Lydenburg) – Oorlede 13 Junie 1995
My pa was Jacobus Francois Conradie (Jack) Gebore 3 Augustus 1918 (Robertson) – Oorlede 22 September 1970
Volgens my broer het Ds Hennie Winterbach in 1963 my oupa Conradie in Robertson begrawe. My ma hulle het agterna vir hom gaan kuier aangesien sy ook ’n Winterbach was en hulle seker familie wou uitlê.
Ons is vier kinders waarvan ek die jongste is:

Alida Claudina Horn	3 Mei 1944
Alexander Hawkins	6 Junie 1946
Cathrine Felicia Nel	8 Desember 1949
Dirk Jacobus Francois	30 April 1952

As iemand meer inligting kan stuur, kliek asb. hier

#023 Johan Bekker skryf op 20 Julie 2010:

Hi Tobie
Net om ’n paar goed vir jou te gee. Adrian Hendrick Winterbach getroud met Martha Jacoba Steyn het nie ’n kind saam gehad met die naam Hendrik Adrian Winterbach nie. Hulle kind se naam was Jacobus Johannes Winterbach (gebore 19 Sept. 1908 in Prins Alfred Hamlet). Martha is oorlede en Adrian is weer getroud met ’n Maria ? hulle het ’n kind gehad met die naam Hendrik Adrian Winterbach.
Jacobus Johannes Winterbach het 3 dogters gehad: Jacoba Winterbach, Martha Jacoba en Alletha Catharina.
Martha Jacoba Winterbach is getroud met Jacobus Casparus Bekker (my oupa en ouma). Hulle het 4 kinders saam: Rina, Ryna, Johan en Rudi.
So kan ek aangaan met die familie en nog inligting vir jou gee as jy dit benodig

Dankie Johan. Ek het die stamboom hier opgedateer met jou inligting.
– Tobie

As iemand meer inligting kan stuur, kliek asb. hier

#021 (31 Mar 2010)

Hi
ek is Marnich Winterbach
My pa is Heinrich Winterbach en my broer Gunter Winterbach van Johannesburg.
My oupa is Adrian Hendrik Winterbach

Ek het die stamboom hier opgedateer
– Tobie

As iemand meer inligting kan stuur, kliek asb. hier

#019.1 (9 Feb 2010)

Goeie dag Tobie,
my naam is Ulandi Winterbach gebore in Pretoria, my ouers was Pieter Willem Winterbach 1949/07/18 oorlede 2000/11/02 en Marieta Snyman 1951/12/26 oorlede 1998/09/20.
Ek het deur die stamboom lys gegaan en geen van my kant se Winterbach’s gesien nie. Toe ek deur die onbekende se lys gegaan het, het ek wel my pa se broer en sy vrou op getel. Dood 1985 Heinrich Pieter Johann Winterbach en Wilhelmina Magdelena ????? April 1985 simultanious death in Cape Town gesien het toe weet ek dit is my Pa se Broer. Hy was ’n Dokter in die Kaap. Ek gaan my bes doen om vir jou meer inligting te kry.

Ulandi Bresler

#019.2 (26 Mar 2010)

Ulandi het toe meer inligting gestuur aangaande haar vorige e-pos. Ek het die stamboom daarmee opgedateer , maar benodig nog baie meer om die databasis volledig te kry.
– Tobie

As iemand meer inligting kan stuur, kliek asb. hier

#018 (9 Feb 2010)

Mnr Winterbach,
Ek is Estelle Roos en besig met Roos stamboom. Het gemerk dat in u familie register 'n ene Katie Roos was gebore 1894 my oupa Andries Roos het suster gehad met selfde name. Sou indien u oor inligting beskik graag wou weet wie haar pa en ma was? Hulle het nog broers gehad hoeveel presies weet ek nie maar daar was ’n Jan en Willie Roos. Prokureurs op Brandford gewees, en nog 'n broer wat Onderwyser was blykbaar ook op Brandford. Hulle het seuns gehad met name van Willie en Prys( weet nie hoe naam gespel word nie) Andries Roos gebore 1898 oorlede 1965 in Vereeniging Tvl.
Ek weet ook dat huwelik van Van Rensburg nooi sy 2de was, het geen inligting van sy kinders uit 1ste huwelik. Vlg familie was daar 'n Paul Roos betrokke wat rugby gespeel het vir springbokke.
Nogmaals jammer indien ek u sou pla.
Baie dankie
Estelle Roos

.... Soos jy kan sien was Maria Catharina Magdalena „Katie” (geb. Roos) my ouma aan my ma se kant. Haar ouers was Gerhard Roos en Miemie (geb. Ebersohn), maar hulle geboorte/sterfdatums het ek ongelukkig nie.
’n Suster van ouma Katie was Anna Magdalena Roos, wat toevallig ook met ’n Winterbach getroud was ....
– Tobie

As iemand meer inligting kan stuur, kliek asb. hier

#017 (20 Jan 2010)

Retha het geskryf en baie inligting i.v.m. Stanley Winterbach se familie gestuur.
Sy probeer kontak maak met Ronel (sien brief #003 hieronder), wat met Christiaan Karel Winterbach getroud is. Ronel reageer nie meer op die e-pos adres wat ek van haar het nie, so ek neem aan dit het verander. Kan iemand wat haar of haar man ken hulle vra om my te kontak asb?

As iemand meer inligting kan stuur, kliek asb. hier

#016 (10 Jan 2010)

Geagte vriend,
Kan u my asb sê of u weet of daar iewers ’n lys van name is van boere wat in 1914 se rebellie gesterf het in SWA? Ek sal dit hoog op prys stel.
Baie dankie,
Charles Skeen

As iemand meer inligting kan stuur, kliek asb. hier

Johan Nel skryf die volgende:

Hi Tobie,
ek het ’n paar jaar gelede (sien brief #002 hieronder) vir jou ’n e-mail gestuur oor my vrou Linda se Winterbach familie. Ek sien GISA het so ’n paar maande gelede volume 16 van hul „SUID-AFRIKAANSE GESLAGREGISTERS” beskikbaar gemaak. Ek het nou gedurende die vakansie eers tyd gekry om dit te bestudeer. Ek het nogal meer verwag, maar hulle het maar min inligting oor die Winterbachs. Wat my egter verstom is dat volgens jou Winterbach-webblad het Johannes Carel Winterbach (ind00003) 5 kinders gehad, maar volgens GISA het hy 9 kinders gehad (waarvan 3 van die ekstra 4 kinders seuns was!). Ek wonder of my vrou nie van een van hierdie drie seuns afstam nie. O ja, as ek kyk na die ander 2 seuns van Johannes Carel is Dirk Jacobus (ind00010) wat jul voorvader is beslis nie my vrou se voorvader nie aangesien dit lyk volgens jou webblad of meeste van sy seuns Transvaal toe getrek het en of die twee seuns wat in Tulbagh gebly het óf vroeg dood is óf nie eintlik ’n nageslag nagelaat het nie).

Hier is ’n kopie van die GISA stuk (sien veral c5 tot c8). Ek gaan belis kyk of ek meer hieroor kan kry en sal jou laat weet as ek iets vind.

Dankie vir jou insette, Johan. Ek sien volgens die GISA info dat persoon c1 en b4 dieselfde is, nl. Maria Carolina. Daarvolgens is sy ’n dogter (b4) én kleindogter (c1) van Johannes Carl x Dorethea Elisabeth THERON!
c2 en c6 was ook beide met ’n Hermi(e)na Susanna Helena VILJOEN getroud. Ma en dogter? Die een was ’n weduwee van ene Pienaar, maar nie van ’n Winterbach nie.
Ek het die databasis opgedateer met die 4 ekstra kinders, maar sal dit nog moet bevestig. Die stamboom sal ek later regmaak.
– Tobie

As iemand meer inligting kan stuur, kliek asb. hier

Carlo Weyer skryf:
Hallo daar
Ek het toevallig op die Winterbach webblad uitgekom, wil net sê, dit is ’n plesier om veral die geskiedkundige vertellings te lees.
Baie dankie vir al die moeite wat julle familie doen om ons volk se geskiedenis so mooi by te hou.
Hou so aan.

Dankie vir jou positiewe terugvoer, Carlo. Wat begin het as ’n interessantheid het nou „ontaard” in ’n groot ding wat my baie besig hou (en ek wou dit hou vir as ek eendag aftree)!
– Tobie

As iemand meer inligting kan stuur, kliek asb. hier

Boet Saayman het ’n foto gestuur van die grafsteen van ’n Johan Carl Winterbach wat op 5 Aug 1938 oorlede is in die ouderdom van 93 jaar. Die grafsteen is gevind op ’n mnr. Sauerman se plaas waar die Valsrivier in die Gouritzrivier inloop. Die GPS-koördinate is:

S 34° 08’ 14.68”
E 21° 43’ 01.37”

As iemand meer inligting kan stuur, kliek asb. hier

Goeie More
Ek het op die Winterbach webblad afgekom, en sal graag bietjie informasie wil bysit.
Ons is ’n Winterbach familie wat in Kaapstad bly. My oupa is laasjaar dood- sy pa (dus my oupa grootjie) het oorspronklik van Duitsland af gekom.
My ouma en haar ouers, aan die ander hand, weer vanaf Skotland.
Ek wou jou net solank in kennis stel. Ek gaan volgende week al die informasie wat ek kan kry in die hande kry oor ons familie en dit vir jou stuur-met datums, name, ens. Ek wou jou net eers kontak om te hoor of ek by die regte plek ’uitkom’.
Baie dankie vir jou werk om ons familie naam in geskiedenis vas te lê. Ek dink dit is fantasties.
Waar kan ek nog navorsing doen oor die Winterbach’s in Duitsland – herkoms, ens???
Mooi naweek vir jou.
Vriendelike Groete
Sulette Winterbach

As iemand meer inligting kan stuur, kliek asb. hier

Christa Winterbach van Buffelsvlei het telefonies vertel van Chris en Baba Winterbach, die stigters van die Lydenburg Vastrappers Boereorkes. Hier is meer inligting

As iemand meer inligting kan stuur, kliek asb. hier

Goeie dag
Ek is beïndruk met u wyd uitgelegde stamboom.
Kan u my dalk help met inligting rakende die Winterbachs in die Lydenburg area.
Ek is op soek na inligting rakende ’n nooi Winterbach gebore in die 1870’s wat getroud was met ene CJ of JC de Clerk.
As u dalk kan help sal ek waardeer.
Dankie
Bertus van Esch

As iemand meer inligting kan stuur, kliek asb. hier

Goeie dag Tobie
My naam is Antoinette Smit gebore Winterbach. Ek is opsoek na die familie geskiedenis en register. My pa was „Banie” Barend Jacobus Adolf Winterbach, my oupa was Oupa „Ike”. Ek weet nie wat sy name was nie.

#006.1 (Fri, 1 May 2009)

Beste Tobie
Ek vermoed dat Antoinette Smit (geb. Winterbach) en ek dalk verwant kan wees - sy’t bostaande navraag op jou webwerf gepos. My een stiefbroer se bynaam was „Banie” en ons vader se volle naam was Adriaan Hendrik Winterbach (bynaam: „Ike”)
Groetnis en sterkte
Vic Winterbach

Hier is hul stamboom
- Tobie

As iemand meer inligting kan stuur, kliek asb. hier

Kan jy asseblief help, Christiaan Karel Winterbach geb 1963, seun van Theodore Godfrey Winterbach, seun van Johan??
Theodore het 12 eie broers en susters gehad, al waarvan ons weet is Kitty, Stanley, Johnnie (die haarkapper op Lydenburg), Tom en ’n broer Johan (Bones).
Ander nie aan ons bekend.
– Ronel

Sien die stamboom hier
- Tobie

As iemand meer inligting kan stuur, kliek asb. hier

"Gert" Winterbach getroud met "Kinna" (?), in Kerkstraat in Tulbagh gewoon in die huis wat vandag as "Monbijou" bekend staan.
Het 3 seuns en 1 dogter gehad:

1. Seun: Gert
2. Seun: Hennie (was op sy tyd die burgemeester van Parow en ’n straat in Parow is na hom vernoem)
3. Dogter: Etta (Sy was getroud met "Duiker" Coetzee wat op sy dag die burgemeester van Otavi in die destydse Suidwes-Afrika was - vermoedelik in die laat 1950's vroeë 1960's.
4. Seun: Petrus Francois (genoem Piet) Winterbach, geb. in Tulbagh,
   getroud op 23/09/1950 in die NG Kerk Bellville Sentraal met Adriana Jacomina Lightfoot (geb. 25/03/1923 Moorreesburg).
   Het 3 dogters gehad: Ingrid, Rene en Linda (getroud met Johan Nel)

As iemand meer inligting kan stuur, kliek asb. hier